مسلسل اللص والكتاب

مسلسل اللص والكتاب هو اجمل واحسن مسلسلات رمضان هذا العام من وجهة نظرى دراما رائعة جدا وكوميديا ولا اجمل
المسلسل بأختصار تدور فكرتة الاساسية حول الصراع الازلى بين الخير والشر ممثلة فى توأمين عكس بعض فى طباعهم وتصرفاتهم وفى النهاية ينتصر الخير على الشر
شخصيات المسلسل
سامح حسين : قد يبدو الاسم جديد للبعض ولكنة انتشر واصبح اسما لامعا جدا وينتظر ان يحتل قمة الكوميديا المصرية فى الفترة القادمة وهذا المسلسل يعتبر البطولة الثانية لة . لعب سامح حسين عدة ادوار مميزة اشهرها على الاطلاق دورة فى مسلسل راجل وست ستات مع اشرف عبد الباقى
وفى مسلسل اللص والكتاب اثبت سامح حسين موهبتة الرائعة وامكانياتة الرائعة فى اداء الادوار من خلال شخصيتين مختلفتان تماما كل شخصية منهم فيها مميزات وعيوب ورغم ان شخصية فطين حلوة جدا الا انى بحب شخصية ميشو قوى
الاولى وهى فطين مدرس الدراسات الاجتماعية وهو شخصية مثالية انسان طيب وفى حالة يسعى لاخراج جيل واعى محب لبلدة ويتمسك بالقيم والمثل الجميلة متأثرا بشخصية عمة انس ( احمد راتب ) والذى قام بتربيتة وهو رمز الخير
الشخصية الثانية وهى ميشو . حرامى صعب المراس ذكى جدا ولا يترك حقة ابدا مهما بلغ الامر ويخاطر دائما فى سبيل تحقيق اهدافة لة سمعة كبيرة فى عالم الاجرام والكل يخافة تأثر بشخصية وتربية والدة سيد الحاوى ( حسن حسنى ) وهو رمز الشر
والخلاصة قام سامج حسين بعمل دور قد يصبح اهم اعمالة نحو النجومية والشهرة فقد اتقن واجاد اداء الدورين رغم صعوبتهم والصراع الذى يدور بينهم وشخصية ميشو اثبتت بالفعل امكانيات هذا الممثل الرائع واخرجتة من دور الغبى الذى اشتهر بالقيام بة منذ فيلم اوعى وشك مع احمد رزق واحمد عيد ( دور صعيدى يريد السفر الى ليبيا ) وحتى فى دورة عادل مع اشرف عبد الباقى
حسن حسنى : عم الشباب ههههه راجل زى العسل بصراحة وبحبة جدا وشخصية متواضعة قوى ومحترم عن تجربة
بصراحة حسن حسنى فاق كل التوقعات مفيش اى مسلسل او فيلم حاليا الا ويكون متواجد فية امكانياتة الفنية مش محتاجة كلام ورائع جدا فى جميع ادوارة
بيقوم بدور سيد الحاوى والد فطين وميشو ولكنة حرامى وشخصية شريرة يتحول بالنهاية الى انسان طيب وطبعا اداءة كوميدى وخصوصا مع سميرة سمير ههههههه وبعد ما هيخلص من سيميرة سمير بتزهق بسرعة هيقابل سعيدة سعيد بتفرح بسرعة لكن ميشو هيقف قصادة المرة دى
احمد راتب : عم فطين وميشو واخو سيد الحاوى . هو رمز الخير اللى تأثر بة فطين يمتلك قلب كبير . قعد 25 سنة بيحب انسانة ومش عارف يعبر لها عن حبة ولة دور كبير فى التأثير على اخوة سيد الحاوى وهتنتصر افكارة فى النهاية
منه فضالى . حبيبة فطين مدرسة معاة بالمدرسة طيبة وبتحب فطين رغم هبلة بتقف معاة فى كل مصايبة رغم المشاكل اللى بتحصل بينهم وغيرتها علية وقامت بدور حلو بصراحة
انتصار . ( سميرة سمير بزهق بسرعة ) هههههههههه من الذ شخصيات المسلسل اتزوجها سيد الحاوى على اساس يسرقها لكنها بالنهاية طلعت هى اكبر مقلب وهى اللى سرقتة . هههههههه طلعت عين فطين ومواقفها معاة قمة الكوميديا ودايما زهقانة ويالا ندخل على الشخصية التانية احسن انا كمان بزهق بسرعة ههههههههه
هيدى كرم ( الضابط سارة ) . دورها جميل زيها بالظبط بتقوم بعمل بحث عايزة تثبت فية ان الانسان خير وطيب بالفطرة وهتاخد ميشو مثال على دة وهيقع ميشو فى حبها لكن بعدها بيتحول لانسان اكثر شرا من الاول بعد ان اخطأت واعترفت انة مجرد حالة بتدرسها والفرق كبير بينهم كونها ضابط وهو حرامى لكن اعتقد هيكون لها دور كبير فى رجوع ميشو لعالم الطيبين
محمود البزاوى ( شيكو مدريد ) وايفرى ثينج از اوك ههههههه شخصية كوميدية ميشو مطلع عينة طول المسلسل بينافس سيد الحاوى فى عالم الاجرام بس طبعا ميشو بيديلوا على قفاة دايما واخرتة هتكون هباب
باقى ابطال العمل بصراحة قمة فى الاداء والابداع ومسلسل بالفعل يستحق المشاهدة وياخد احلى مسلسلات رمضان لما فية من افكار وقيم وكوميديا واداء لابطالة تفوقوا على انفسهم
وانتوا بقى ايه رأيكم في المسلسل؟
l