i love you 4 ever

نورهان راحت لياسمين البيت تعرف ايه الحكايه

ترن ترن ترن تـــــــــــــــــرن
ياسمين:ايوه ايوه
نورهان
!!!!
نورهان:انتى مسفرتيش
ياسمين عيطتت هى مردتش تقول لنورهان ولا لاى حد هى خايفه وقالت معدتش تروح
طبعا حكت كل حاجه لنورهان وبعدين نورهان قالتها
نورهان:طيب انتى بتعيطى ليه
مش فاهمه واحد اعترفلك بحبه وعايز يتجوزك بتعيطى ليه
ياسمين:انتى بتقولى ايه لالا انا مش بحبه
نورهان :هو انتى لسه عرفتيه يابنتى
ياسمين:باين من اسلوبه اللى كنت هموت منه
نورهان :خلاص خلاص متعيطيش
بصى روحى الجامعه عادى ولا تسالى ولو كلمك اوقفيه عند حده اوك
ياسمين:هحاول

　
راحوا الجامعه واول مادخلو لقوا ميدو جاى ليها بلهفه ويقول
ميدو:هاى ازيك ياياسمين
ياسمين:تمام الحمد لله
ميدو:انتى كنتى مسافره
ياسمين:انا اه اه
ميدو:حمد لله على السلامه
ياسمين :الله يسلمك
ميدو:وانتى عامله ايه دلوقتى؟
نورهان:طب انا همشى بقى
ياسمين:لالا استنى
انا بقيت احسن ميرسى اوى على كل حاجه
انا لازم امشى سلام
ميدو:سلام

ياسمين دخلت المحاضره وبعدها المعيد نده علييها
>>هكتب احمد بدل المعيد اوك<<

احمد:ياسمين
ياسمين:نعم
احمد:مجتيش امبارح ليه
ياسمين:كنت مسافره مش نورهان قالت لحضرتك
احمد:اولا كنت عايز اطمن عليكى بنفسى
اه صحيح انا عايز موبايلك
ياسمين:وحضرتك عايزه فى ايه
احمد:تانى حضرتك انا مش قولتلك تقولى احمد
ياسمين لحظت حاجه غريبه وخافت كالعاده ياترى هتعمل ايه
ياسمين رفعت ايديها على وشه وضربته قلم جااااااامد
>>احسن<<

وجرت على الكافتريا وقعدت مع الشله وعماله تعيط
نورهان:مالك مالك
بسنت:اهدى واحكيلنا
ياسمين حكت لهم من بالتفصيل
ميدو كان قاعد هو وكيمو وسمع
ميدو:طب وانتى بتعيطى ليه واللهى ده يستاهل اكتر من كده انا هروح اوريه شغله وازاى يعمل معاكى كده
ياسمين:محمد محمد
ياسمين بعدها لقت ميدو واقف لوحده
ياسمين:هاى انت رحتله
ميدو:للاسف ملقتهوش بس متقلقيش
ياسمين:طب وانت رحت ليه اصلا
ميدو:عشان عشان ادافع عنك
ياسمين:ليه
ميدو:ماانتى برضه زى اختى
طب انتى بقى قولتيلى محمد محمد
كنتى خايفه عليه
ياسمين:اكيد مانت برضه زى اخويا
سلام
مييدو:سلام

　
ياسمين مش عارفه تذاكر حاجه قاعده زعلانه موت وبتقول لنفسها
ياترى انا زعلانه ليه
عشان اللى بيحصلى مع المعيد
ولايمكن عشان قلى انتى زى اختى
هو انا فعلا زى اختو
امال انا كنت فاكره حاجه تانيه
انا مش عارفه اول مره احس بكده حاسه انى معجبه بيه
ياربى انا جايه اتعلم مش هفكر فى الكلام ده

ميدو قاعد يفكر فيها طول الليل وعرف فعلا انو بيحبها من اول ماشفها ونفسه يعرفها بحبه بس خايف تفهمه غلط هو بجد بيموت فيها وعمال يسمع تامر حسنى

انا شايف دلوقتى قدامى واحده هيجرالى حاجه لو مكلمتهاش
>>ههههههههههههه<<

جه تانى يوم ميدو واقف مستنى ياسمين ولمح نورهان من بعيد فقرب يقولها

ميدو:هاى ازيك
نورهان:الحمدلله
ميدو:امال فين ياسمين
نورهان:ليه
ميدو:عادى كنت عايز اطمن عليها
نورهان:تطمن عليها هى فيها ايه
ميدو:ولا حاجه اصلها كانت زعلانه اوى امبارح
نورهان:بجد؟
ميدو:هى مقلتلكيش
نورهان:لاء
ميدو:طب يعنى هى مجتش
نورهان:هى مسافره
ميدو:طب شكرا ياانسه نورهان
مشى ميدو ووقفت نورهان تقول فى سرها
ياترى مالها ومقلتليش ليه بس
وكانت زعلانه ليه
وايه انسه دى
بسنت:نورهان فينك من زمان
نورهان:كنت تعبانه ومجتش امبارح هى ياسمين مقلتلكيش
بسنت:انا مشوفتهاش امبارح هى فين
نورهان:مسافره
طب عايزه حاجه اشوفك بعد المحاضره يابوسى
بسنت:سلام ياقمر
بسنت:ميدو ميدو
ميدو:ايوه
بسنت:مالك شكلك تعبان
ميدو:معاكى موبايل ياسمين
بسنت:لا
ميدو:انتى مش صاحبتها
بسنت:لا مش صاحبتها دى خنيقه نورهان لذيذه عنها
ميدو:متقوليش عنها كده هى بس مؤدبه
بسنت:وانت مالك بدافع عنها ليه
ميدو:يووووووه

　
مشى ميدو وهو ماشى لقى نورهان بتكلم المعيد وبيقولها
المعيد:ازيك يانورهان
امال امال فين ياسمين
نوهان:مسافره ليه فى حاجه
المعيد:لالا ابدا مفيش
ابقى سلميلى عليها
مشت نورهان لقت ميدو مستنيها
ميدو:مين ده؟؟
نورهان:وانت مالك
ميدو:هو بيسال عن ياسمين ليه
نورهان:هو ايه حكايه ياسمين معاكو
ميدو:مع مين
نورهان مشت وهى مستغربه جدا وراحت لبيت ياسمين جرى

تانى يوم جه ونورهان وياسمين واقفين بقالهم ساعه
ميدو:مالكو يابنات واقفين ليه
نورهان:مش عارفين نحجز للرحله
ميدو:انتوا لسه محجزتوش
نورهان:لا انت حجزت
ميدو:اها
ميدو فى سره لا محجزتش بس هحجز بدام هتحجزو
ميدو:هاتوا احجزلكوا انا
ياسمين:لالا مش مهم يلا يانورهان مش هنروح الرحله
ميدو:لالا ازاى لازم تروحى ياياسمين قصدى لازم تروحوا دى هتبقى جامده
ميدو حجز لهم وحجز لنفسه ولكيمو
ميدو:اى خدمه يابنات
ياسمين:ميرسى
كيمو:هاى فينك ياميدو
ميدو:كنت بحجزلهم الرحله
كيمو:رحله ايه؟؟
ميدو : ايه ياعم الزهيمر الرحله اللى احنا طلعنها
كيمو مش فاهم حاجه وميدو عمال يغمزلوا

طلعوا الرحله كلهم وفى الباص غنورا ولعبوا وهزروا ماعدا ياسمين ونورهان فكانوا بيتكسفوا وقاعدين مش بيكلموا حد
ميدو طبعا لاحظ ده فراح لهم يقول
ميدو:هاى ياسمين انتى مش بتغنى معانا ليه
نورهان:اصلها صوتها مش حلو
ههههههه
ميدو:ده انا متاكد ان صوتها حلو
ميدو فى سره هو صوتها بس اللى حلو
ياسمين:ميرسى
ميدو:انا بتكلم جد
بسنت:تيرارارا رارا
ياسمين:ظريفه
ياسمين وشها احمر وراحت قعدت بعيد
ميدو:اديكى كسافتيها اهو
بسنت:ايه ياروميو انت مالك ومالها
ميدو:وانتى مالك اصلا
بسنت :انت فاكرها هتعبرك لو انت فاكرها زى نانا تبقى غلطان
ميدو:اولا متجبيش سيره نانا ثانيه انا مش فاكرها زى حد ثالثا وانتى مالك
بسنت:طب وانت زعلت اوى ليه كده
ميدو مشى وهو مدايق موت وراح قعد ويفتكر نانا
ياترى نانا دى مين وهو بيحبها لسه وياترى ايه اللى حصل لها

بعا ياسمين طالعه الرحله ومتعرفش ايه اللى مستخبى لها مين مشرف الرحله ده طبعا اللى هتعرفه اول مانزلوا الباص
نورهان:ياسمين
ياسمين:ايه
نورهان:بصى مين اللى هناك
ياسمين :فين مش شايفه
احمد!!!!
طبعا احمد ده المعيد اللى هو المشرف وياسمين اكيد مكنتش عارفه
ياسمين:ياربى انا ايه اللى جابنى
نورهان:احنا ملناش دعوه بيه
ياسمين عيطت
نورهان:طب انتى بتعيطى ليه بس خلاص يا ياسمين بطلى عايط
ميدو شاف ياسمين بتعيط
ميدو:فى ايه مالك ياياسمين؟
نورهان:مفيش اديقت شويه
ياسمين:وانت مالك
ومشت
نورهان مشت وراها
وميدواستغرب اوى ليه هى علطول صداه كده

ميدو قعد زعلان ازاى البنت اللى حبها مش بتكلموا حتى وقرر انو لازم يعترف لها وهى لازم تعرف
مع انو خايف كتيييييييير لتصده اكتر بس خلاص قرر
طبعا هو مستنى الفرصه وقرر انو هما مش هيطلع الباص غير لما تكون عارفه
كان ممكن يقول لبوسى وهى تقولها بس بالطريقه دى هتفهمه غلط
نورهان وبسنت داخلين السينيما
نورهان:يلا يا ياسمين هنتاخر الفيلم هيبدا
ياسمين:لالا مش هينفع
بسنت:ليه
نورهان:اصل هى عمرها ما راحت سينيما
بسنت:نعم
ياسمين:ماما مش بتوافق
بسنت:طب وهى مامتك فين دلوقتى
ياسمين:معلش مش هينفع روحوا انتو واحكولى
ميدو طبعا قعد مستنيها وبعدين لقى نورهان وبسنت داخلين السينيما
ميدو:فين ياسمين
نورهان :مجتش
ميدو:كيمو انا ماشى
ميدو مشى فى لمح البصر كان كل همه انو يقول لياسمين واللى يحصل يحصل
ياسمين بتتمشى فى المول وبتتفرج على الحاجه وبعدين لقت مين بيقول
ياسمين
ياسمين طبعا اتجعزت وبصت وراها لقته وقالتله
انت